Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Театрдың көктемгі тәбәрігі

23042015-0©Нұрғиса Елеубеков (фото)

Өткен аптада Алматыдағы Ғ.Мүсірепов атындағы Қазақ мемлекеттік академиялық балалар мен жасөспірімдер театры Қарағанды қаласына гастрольдік сапармен келген еді. 9-13 сәуір аралығында қала тұрғындары мен қонақтарына өнерлерін паш етті.

Қазақтың біртуар жазушысы Ғабит Мүсіреповтің атымен аталған, қазақ театрларының ішінде шоқтығы биік, алыс-жақын шет елдерді мойындатқан бұл театрдың ашылғанына биыл 70 жыл толғалы отыр. Соғыстың соңына қарай жұмыс істей бастаған өнер ордасы осы жылдар ішінде Қасым Жәкібаев, Әмина Өмірзақова секілді сахна саңлақтарын шығарды. Қазір де елге танылған аға буын мен жас таланттар қатары осы театрда қызмет етеді. Солардың ішінде Лидия Кәденова, Сағат Жылгелдиев, Жібек Лебаева, Шолпан Сергебаева, Рахман Омаров, Әсет Иманғалиев, Бақыт Тушаев, тағы да басқа таланттар шоғыры көрерменге жақсы таныс.
С.Сейфуллин атындағы Қа­рағанды облыстық қазақ драма театрының кіші залында өткен баспасөз мәжілісінде театрдың көркемдік жетекшісі Ерлан Біләл: «Арқа өңірі Мәди Бәпиұлы, Жүсіпбек Елебеков, Сәкен Сейфуллин сынды өнер саңлақтары шыққан жер болғандықтан, көрермендерден күтер ықыласымыз мол және де ерекше жауапкершілікпен қараймыз», – деп, театрдың Қа­ра­ғанды және Темір­тау қала­ларында қоятын репертуарымен таныс­тырған болатын.

Сол бағдарлама бойынша, С.Сей­фуллин атын­дағы Қарағанды облыс­тық драма театры ғимаратында 9 сәуірде «Қозы Көрпеш – Баян сұлу» трагедиясы (авт. Ғ.Мүсірепов, реж. Ж.Хаджиев), 10 сәуірде «Қара шекпен» әфсанасы (авт. Г.Хугаев, реж. А.Маемиров), 11 сәуірде «Ер Көжек» ертегісі (авт. Ө. Боранбаев, реж. И.Әбілмәжінов, бұл қойылым 9 сәуір күні де қойылды) және «Мен ұмытылмаймын…» лирикалық драмасы (авт. М.Мақатаев, инсц. және реж. Б.Сейітмамытұлы), 12 сәуірде «Келіндер көтерілісі» комедиясы (авт. С.Ахмад, реж. М.Ахманов),         13 сәуірде «Естайдың Қорланы» махаббат-намасы (авт. Иран-Ғайып, реж. М.Ахманов) қойылды. Ал Теміртау қалалық Балалар мен жасөспірімдер театрында 13 сәуір күні «Ер Көжек» ертегісі мен «Мен ұмытылмаймын…» лирикалық драмасы сахналанды.

Қарағанды жұртшылығын осы­лай қуантқан театр Көкшетау қаласына аттанды.

Арман ӘЛМЕНБЕТ, «Орталық Қазақстан»
ortalyk-kaz.kz

ОҚИ ОТЫРЫҢЫЗ

Жастар театры – Ақтөбеде!

admin

«Бір түп алма ағашы» – өмірдің өзі

admin

9 желтоқсанда өткен желтоқсаншылармен кездесу күні есте қаларлықтай дүниелермен толықты. Бәріміз ерекше көңіл-күйді жыр ете айта шығатын, Ғ.Мүсірепов атындағы қазақ мемлекеттік академиялық балалар мен жасөспірімдер театрында “Желтоқсан-86” тәуелсіз күрескерлермен кездесу өтті. Қиын-қыстау заманның кейіпкерлері 1986 жыл 16 желтоқсанды терең күрсініспен еске алды және әрбір оқушының сауалына жауап қатып, пікірін тыңдап ой қорыта білді. Аталмыш шарадағы батыр апа-ағаларымыздың ерлік пен өрлік, қайғы мен қасірет араласқан қаралы да қасіретті күні тыңдап отырған бізді де бей-жай қалдырмады. Сондай-ақ, ерліктің ащы тұстары айтыла түсіп, жыл сайын күрескерлер ақталып, осы бір қазақтың қабырғасын қайыстырып, жүрегін сыздатқан “Желтоқсан оқиғасы” бүгінде қолға алынып, өзіндік мәртебеге ие болғандығы көңіл қуантатынын жасырмаймыз. Сан ғасыр арман еткен Тәуелсіздіктің туы қаһармандардың арқасында келіп жетіп, желбірей түсуде. Өкінішті сәттердің, соның ішінде, сан мыңдаған батырларымыздан қол үзіп қалғанымызбен, олардың қазақ деп ұрандатқан ащы айқайы әрдайым санамызда, жадымызда мәңгілік жаңғырып тұр. Кездесу, Тәуелсіздік үшін жанын пида еткен аға-әпкелеріміздің әңгімелерімен қыза түсті. Өзіндік ойымен қарсы алдымызда, Республикалық “Желтоқсан-86” Тәуелсіздік қырандары Халық қаһармандары қозғалысы төрайымы – Жүніс Гүлбаһрам Есмұратқызы, Тәуелсіздік күрескері – Сейтімбет Үсіпхан Әбдікерімұлы және Гүлнәр Сейтімбеттей аға-апаларымыз бөлісті! Сөз соңында, тәуелсіздік жолында қаза тапқан батыр қызымыз Ләззат Асанованың анасы да көзіне жас ала отырып, әңгімесін, тілек, алғысын жеткізе білді. Жас балғындарымызда есті әңгімеге елітіп, тіпті өлең шумақтарын жарыса оқып, патриот ұрпақтың өсіп келе жатқандығын дәлелдей түсті. Сонымен қатар, тәуелсіз күрескерлерге баршамыз өре түргеліп, Желтоқсанның жаңғырығына, ызғарлы желіне төтеп бергендігіне жарыса алғысымызды жаудырдық. Кеш соңы театр ұйымдастырған “Желтоқсан желі” атты қойылыммен жалғасын тапты.#Тәуелсіздіккүрескерлері #желтоқсанжелі#алғысымызшексіз

admin

ПІКІР ҚАЛДЫРУ