Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

ҚОҒАМДАҒЫ «ШЫҢЫРАУ» САХНАЛАНДЫ

Ғ.Мүсірепов атындағы Қазақ мемлекеттік академиялық балалар мен жасөспірімдер театрында М.Горькийдің «Шыңырау түбінде» драмасының премьерасы болды.

Бүгінгі қоғамда адамдардың бір-бірі­-не бейжай қарауы, рухани құндылық­тар­дың жұтаңдауы, қоғамдағы жан түрші­герлік жайттарға таңғалмайтыны үйрен­шікті жағдайға айналып бара жат­қаны жасырын емес. Осы мәселені арқау еткен қойылым адам өз жолын дұрыс жа­сап, мойымау керек дегенге саяды.
Сахна шымылдығы ашылған сәттен бастап, шиеленіске толы оқиға желісі шытырман сәттерге толы болды. Қойылым бүгінгі күні көкейкестілігін жоғалтпай отыр­ған әлеуметтік, қоғамдық мәселе­лерді арқау ете отырып, талғампаз кө­рерменнің көңілінен шыға білді деп айтуға болады. Драманың ерекшелігі – шиеле­ніске толы оқиғаның қалай болғаны әдеттегідей бірте-бірте емес, кейіпкердің еске алуы арқылы жаңа әдіс-тәсілдермен жеткізілді.

Данияр БАЗАРҚҰЛОВ, қоюшы режиссер:
– Бұл шығарманы қою жайында бұрыннан ойлап жүргенмін. Сәті туып, қойылу жүйесін ойластырып, сахнала­-дым. Шығарма идеясын халыққа әдемі жеткізу формасын ойлап таптым. Шығар­ма тақырыбы да көкейкесті. Бүгінгі қо-
ғам – шыңырауда. Алайда әр адамның таңдауы – өз қолында. Сахна ашылған сәтте қол ілініп тұрады. Мұның да мағы­насын таңдау өз қолында дегенге келеді. Қоғамдағы адамдардың бір-біріне бей-жай қарауы, шыңырауға түспес үшін не істеу керек деген сұрақтардың жауабын қойылым арқылы жеткізуді мақсат тұттым. Адам қолындағы бағын, мүмкіндігін дұрыс пайдаланып, шыңырауға түспеуі керек.
Қойылымның негізгі идеясы – адам­ның өз таңдауы бар дегенді сахнадағы баспалдақ арқылы жеткізуге тырыстық. Яғни, сахнаның оң жағындағы баспал­даққа шыққан адам дұрыс жолды таңдап, өмірін бастап кетеді дегенді білдіреді. Қойы­лым­ды дайындауға жалпы 5 ай уақыт кетті.

Ақбота ИСЛӘМБЕК

Ақпарат көзі: https://aikyn.kz/2017/11/17/33671.html

ОҚИ ОТЫРЫҢЫЗ

Ғ.Мүсірепов театры талантты артистер шоғырланған мықты ұжым ғана емес, талапты спортшылар жиналған ұжым екенін тағы бір дәлелдеп берді. ҚР ТҰҢҒЫШ ПРЕЗИДЕНТІ КҮНІНЕ Хабар телеарнасы “Жаңа күн” бағдарламасының арнайы ұйымдастыруымен өткен, Алматы қаласындағы өнер ордалары арасындағы Волейбол жарысында театрымыз I орын иеленгенін қуанышпен, мəртебемен мақтана жеткіземіз!

admin

АСЫЛ АЗАМАТ — АЛТЫНБЕК

admin

Аян Өтепбергеннің орындауында М.Мақатаевтың “Қап-қара” поэзиясы

admin

ПІКІР ҚАЛДЫРУ