Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Ғ.Мүсірепов театры Ақтөбеге гастрольдік сапармен барады

Ғ.Мүсірепов театры Ақтөбеге гастрольдік сапармен барады

Ұлтымыздың көшбасшысы Н.Ә.Назарбаевтың «…алыс аймақтардағы тұрғындардың мәдени өрлеу ісіне атсалысу» тұрғысындағы түбегейлі тапсырмасын қолдау мақсатында Ғ.Мүсірепов атындағы Қазақ мемлекеттік академиялық балалар мен жасөспірімдер театры – ҚР Тәуелсіздігінің 25 жылдығы мен киелі шаңырағымыздың 70 жылдық мерейтойына тұсында көптеген саңлақтарды дүниеге әкелген киелі топырақ – Ақтөбе өңірінінің жұртшылығымен дидарласып, шығармашылық жетістіктерімізбен бөлісіп, театрсүйер халқына шоқтығы биік сахналық туындыларымызды паш етпек ойда, – делінген ресми хабарламада.

Театр қойылымдарын Т.Ахтанов атындағы Ақтөбе облыстық драма театрында өткізеді. Келіңіздер! Көріңіздер!

Көрерменге ұсынылатын  қойылымдар легі төмендегідей:

29  қыркүйек. «Қозы Көрпеш – Баян сұлу»  (авт. Ғ.Мүсірепов, реж. Ж.Хаджиев) трагедиясы;

Ұлы Ғабаң (Ғ.Мүсірепов) жазған бұл туынды – көпшілік-көрерменге оқиғасы жағынан өте кеңінен таныс.

Дегенмен, бұл жолғы Қозы Көрпеш те, Баян да – басқа…Жаңа…

30 қыркүйек. «Келіндер көтерілісі» (авт. С.Ахмад, реж. М.Ахманов) комедиясы;

Бұл оқиға ене мен келін арасындағы ғана емес, адамның бостандығы, таңдау еркі мен ескі тәртіптің арасындағы конфликтіге негізделген. Қойылым  барысында  өнер сүйгіш өзбек  халқының  дәстүрлі биі әдемі әзілмен әспеттелген, дәстүрлі театр элементтерін пайдаланған спектакль – көрерменді күлдіре отырып, ойға батыратыны хақ.

«Келіндер көтерілісі» спектаклі  комедия  жанрында  өрбіп,  арнайы  қойылған  көркем  биімен,  әсем  әуенімен  сахналық  шығармашылық  туынды  ретінде  әсерлі.

1 қазан. «Қызыл  орамалды  шынарым»  (авт. Ш. Айтматов инсц. және реж. Т. Теменов) екі бөлімді драмасы

2 қазан. «Мен,  ұмытылмаймын…»  (авт. М. Мақатаев, инсц. және реж. Б.Сейітмамытұлы)  лирикалық  драмасы;

Өтесің-ау бір күні! Тыясың-ау, қуанышты – күлкіні.

Өмір деген бір жарқ еткен найзағай,

Өмір деген көк аспанның күркүрі!

Пай-пай өмір!

Өтесің-ау бір күні! – деп жырлаған заңғар ақын Мұқағали Мақатаевтың поэзиясымен өрбіген «Мен, ұмытылмаймын…» драмасы – әр қазақтың кеудесінде жыр боп жатталған ақын жырларымен сусындап, лирикалық әдемі әлемге жетелейтін керемет қойылым.

3 қазан. «Қара шекпен» (авт. Г.Хугаев, реж.А.Маемиров)  әфсанасы;

Ал, Біз, дәл осындай «дәрежеге» расымен, лайыкпыз ба?!

Кез келгеніміздің бойымызда бар өзімшіл қасиеттер басым түсіп, Жан азығынан мақұрым қалған адамдай адамдық қасиетіміз жойылып, кейде хайуанға айналып бара жатқанымызды өзіміз де байқамай жатамыз…

«Қара шекпен» спектаклі – осы сұрақтарға жауап іздейді.

29-30 қыркүйек. 1-3 қазан.  «Ер көжек» (авт. Ө.Боранбаев, реж.И.Әбілмәжінов) ертегісі.

Ертегінің  де  естісі,  есері  болады.  «Ер  көжек»  спектаклі – тақырып  өзегіне  бүгінгі  күн  мәселелерін  арқау  еткен  есті  ертегі.  Балалардың  көруіне  ыңғайлы,  әрі  қызықты  қойылым.

Ақпарат көзі: http://massaget.kz/layfstayl/madeniet/teatr/40540/

ОҚИ ОТЫРЫҢЫЗ

Азамат Сатыбалды: Өнер адамы еркін болуы керек

admin

Н.И.Сац негізін қалаған театр қазір қайда?

admin

27 11 Студия қонағы ДИНАРА ШЫМЫРБАЕВА

admin

ПІКІР ҚАЛДЫРУ