Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
ВИДЕОГАЛЕРЕЯ Мекеме жаңалықтары

Жамантас жайлауында

Соңғы кезде тек отандық туризмге ерекше көңіл бөліп, халыққа Алакөлде демалуға кеңес беріп жүрген Мәдениет және спорт министрі Арыстанбек Мұхамедиұлы эко туризмді насихаттауды өзі бастап кірісіп кетті. 

Мәдениет және спорт министрі Арыстанбек Мұхамедиұлына Жетісу жеріндегі Алакөл ауданы қатты ұнап қалған сияқты. Соңғы екі жыл қатарынан көлдің жағалауында дуатлоннан жарыс ұйымдастырған министр, бұл жолы Алакөлдің жайлауын насихаттауға да өзі кірісті. Демалыс күні «Қазмұнайгаз» акционерлік қоғамының төрағасы Сауат Мыңбаев, белгісі меценат Бауыржан Оспанов пен елімізге танымал спортшылар Бақтияр Артаев, Қанат Ислам, Арман Оспанов, Нұрбақыт Теңізбаев сынды бір топ азамат Жетісу жерінің тамаша табиғатын салт атпен аралады. Шараға қатысушылар Жоңғар Алатауының баурайымен 50 шақырымға жуық қашықтықты бірде желіп отырып, бірде шауып, бірнеше асулардан өтіп, Жамантас жайлауына көтерілді. Жамантас жайлауы теңіз деңгейінен 2500 метр биіктікте орналасқан.

АРЫСТАНБЕК МҰХАМЕДИҰЛЫ, ҚР Мәдениет және спорт министрі:

– Біз неге тауға шығамыз? Біз неге жоғары ұмтыламыз? Неге десеңіздер жоғары ұмтылған сайын адамның көзқарасы, адамның рухани байлығы, адамның өзіне деген, еліне деген қошаметі ерекше сезіммен анықталады.

Ақпарат көзі: http://informburo.31.kz/6658

ОҚИ ОТЫРЫҢЫЗ

9 желтоқсанда өткен желтоқсаншылармен кездесу күні есте қаларлықтай дүниелермен толықты. Бәріміз ерекше көңіл-күйді жыр ете айта шығатын, Ғ.Мүсірепов атындағы қазақ мемлекеттік академиялық балалар мен жасөспірімдер театрында “Желтоқсан-86” тәуелсіз күрескерлермен кездесу өтті. Қиын-қыстау заманның кейіпкерлері 1986 жыл 16 желтоқсанды терең күрсініспен еске алды және әрбір оқушының сауалына жауап қатып, пікірін тыңдап ой қорыта білді. Аталмыш шарадағы батыр апа-ағаларымыздың ерлік пен өрлік, қайғы мен қасірет араласқан қаралы да қасіретті күні тыңдап отырған бізді де бей-жай қалдырмады. Сондай-ақ, ерліктің ащы тұстары айтыла түсіп, жыл сайын күрескерлер ақталып, осы бір қазақтың қабырғасын қайыстырып, жүрегін сыздатқан “Желтоқсан оқиғасы” бүгінде қолға алынып, өзіндік мәртебеге ие болғандығы көңіл қуантатынын жасырмаймыз. Сан ғасыр арман еткен Тәуелсіздіктің туы қаһармандардың арқасында келіп жетіп, желбірей түсуде. Өкінішті сәттердің, соның ішінде, сан мыңдаған батырларымыздан қол үзіп қалғанымызбен, олардың қазақ деп ұрандатқан ащы айқайы әрдайым санамызда, жадымызда мәңгілік жаңғырып тұр. Кездесу, Тәуелсіздік үшін жанын пида еткен аға-әпкелеріміздің әңгімелерімен қыза түсті. Өзіндік ойымен қарсы алдымызда, Республикалық “Желтоқсан-86” Тәуелсіздік қырандары Халық қаһармандары қозғалысы төрайымы – Жүніс Гүлбаһрам Есмұратқызы, Тәуелсіздік күрескері – Сейтімбет Үсіпхан Әбдікерімұлы және Гүлнәр Сейтімбеттей аға-апаларымыз бөлісті! Сөз соңында, тәуелсіздік жолында қаза тапқан батыр қызымыз Ләззат Асанованың анасы да көзіне жас ала отырып, әңгімесін, тілек, алғысын жеткізе білді. Жас балғындарымызда есті әңгімеге елітіп, тіпті өлең шумақтарын жарыса оқып, патриот ұрпақтың өсіп келе жатқандығын дәлелдей түсті. Сонымен қатар, тәуелсіз күрескерлерге баршамыз өре түргеліп, Желтоқсанның жаңғырығына, ызғарлы желіне төтеп бергендігіне жарыса алғысымызды жаудырдық. Кеш соңы театр ұйымдастырған “Желтоқсан желі” атты қойылыммен жалғасын тапты.#Тәуелсіздіккүрескерлері #желтоқсанжелі#алғысымызшексіз

admin

Н.Сац атындағы орыс мемлекеттік академиялық балалар мен жасөспірімдер театрының 70 жылдық мерейтойымен құттықтап барған театрымыздың басшылығы мен артистері.

admin

Алматыда «Алтын сақа» атты балаларға арналған спектакльдер фестивалі басталды

admin

ПІКІР ҚАЛДЫРУ