Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

«СИҚЫРЛЫ ТЕРЕЗЕ»

Көгілдір экранға телміріп өскен балалар бүгінгі заманда батырларымызға емес, шетелдік анимация кейіпкерлері «Бэтмен» мен «Өрмекші адамға» еліктеп өсіп келе жатқаны жасырын емес. Жат елдік өнім жасөспірімдердің санасын улап, өз «батырларын» дәріптеп жатқаны өкінішті жайт.
Ғ.Мүсірепов атындағы Қазақ мемлекеттік академиялық балалар мен жасөспірімдер театрында осы көкейкесті мәселе негіз болған «Сиқырлы терезе» спектаклінің қойылымы болды.

Басты кейіпкер бала Ораз қазақ батырлары өмірде болмаған, бұған қоса шетелдік құбыжықтар мен батырсымақтар одан бетер мықты екеніне сенімді болады. Алайда бір күні сиқырлы терезенің көмегімен ол сонау ХV ғасырдағы Ораз батырды да, «Өрмекші адам» мен «Бэтменді», сайқымазақ Боратты да шақы­рады. Ораз батыр бүгінгі заманның кейіпкерлерімен күш сынасып, соңында жеңіске жетеді. Ораздың рөлін сомдаған актер Мерей Әджібеков көрер­менмен тілдесу арқылы спек­такльге жан бітіреді. Ал Ораз батырды сомдаған Бақыт Тушаев тарихи кейіпкерінің мінезін аша білуімен ерекше­ленді. Спектакль шымылдығы ашылы­сымен сахнадағы оқи­ғаның ішінде жүргендей сезі­несіз. Мұнда қойылымның қоюшы-суретшісі Қуат Түс­тікбаев, Мақ­сат Рахмет, музы­камен көр­кем­­деуші Торғын Рақымбаева, режис­сердің кө­мекшісі Гульфай­руз Смаило­ваның еңбегі зор.
Жәнібек ӘЛКЕН,
Спектакль авторы:
– Ақпараттық шабуылға ең төзімсіз балалар болғандықтан, олардың бүгінгі батыры «Өрмекші адам» мен «Бэтмен» болып кетті. Елі мен жері үшін жанын қиған батырлар есімін жұртшылық білу қажет. Әсіресе, балалар ержүрек батырларымызды құрмет тұтып өскені абзал. Алайда батырлардың ескерткіштері мен бірен-саран фильмдері ғана бар. Балалар үшін мультфильм мен фильм кейіп­керлері – нағыз батырлар. Сон­дықтан осы олқылықтың орнын толтыру үшін осындай дүниелерді өмірге әкелудің маңызы зор. Спектакльдің ерекшелігі де – сол. Қазақтың кез келген батыры сол шетелдік ойдан шығарылған батырсымақтардан мықты екенін бүгінгі бала білуі қажет. Осы ойды мақсат тұттық.

Ержан ҚАУЛАНОВ,
Спектакль режиссері:
– Бүгінгі заманда баланы телеарна мен ғаламтор тәрбие­леуде. Ата-аналардың көпшілігі бұл мәселеге көп алаңдамайды. Баламен тілдесу, ойнау арқылы тәрбиелеу жағы кемшін түсіп отыр. Сондықтан біздің басты мақсатымыз – ұрпақты патриот­тық тәрбиеге үндеу, айтары мол, тәрбиелік мәні зор дүние жасау болды. Осы идеяны негізге ала отырып, 2 ай уақыттың ішінде қойылымды сахналадық. Ал ерекшелігіне келсек, балаларға арналған спектакль­дердің көп­шілігінде басты кейіпкер – қасқыр, аю сынды хайуанаттар. Ал біз Ораз деген баланы басты кейіпкер етіп алып, соның басындағы оқиға арқылы бар ойымызды жеткізуге тырыстық.

Ақбота ИСЛӘМБЕК

Ақпарат көзі: https://aikyn.kz/2017/03/11/6517.html

ОҚИ ОТЫРЫҢЫЗ

Жуырда Хабар арнасында Абайдын кара создерине негизделген “Акылдын килти”атты телехикаясын усынады….Реж @муратбидосов @erbol_akter777 @khabartv

admin

Жастар мен балалар театрына 70 жыл болды

admin

MX Theme Online

admin

ПІКІР ҚАЛДЫРУ