Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

ӨНЕР ҰЖЫМДАРЫ АРАСЫНДА ЖАРЫС ӨТТІ

Балнұр АХМЕТ

 ҚР Тұңғыш Президенті күніне орай, «Хабар» телеарнасы «Жаңа күн» бағдарламасының ұйымдастыр­уымен Алматы қаласындағы өнер ұжымдары арасында волейболдан жарыс өтті. Сайыста М.Әуезов атындағы Қазақ мемлекеттік академиялық драма театры, Ғ.Мүсі­репов атындағы Қазақ мемлекеттік академиялық балалар мен жасөспірімдер театры, Т.Жүргенов атындағы Қазақ ұлттық өнер академиясы, «Ақсарай» театры, «Алатау» эстрада жұлдыздарынан құралған өнер ұжымдары өзара күш сынасты. Спорттық сайыс қорытындысы бойынша Ғ.Мүсі­репов атындағы Қазақ мемлекеттік академиялық балалар мен жасөспірімдер театры І орынды иеленіп, жеңіс жалауын желбіретті. ІІ орынға М.Әуезов атындағы Қазақ мемле­кеттік академиялық драма театры, ал, ІІІ орынға Т.Жүр­генов атындағы Қазақ ұлттық өнер академиясы мен «Ақ­сарай» театры ұжымы қол жеткізді.  Сондай-ақ, Ғ.Мүсіре­пов атындағы Қазақ мемлекеттік академиялық балалар мен жасөспірімдер театрының актері Мақсат Сәбитов «Ең үздік ойыншы», ал актриса Лидия Кәден «Ең үздік жанашыр жанкүйер» аталымдары бойынша марапатталды.

Айта кетерлігі, бұл бас жүлдеге ие болған Ғ.Мүсірепов атындағы Қазақ мемлекеттік академиялық балалар мен жасөспірімдер театрының спорттық сайыстардағы алғашқы жеңісі емес. Естеріңізге сала кетсек, жастардың сүйікті театры биыл мамыр айында Мәдениет және өнер қызметкерлері күніне орай ұйымдастырылған өнер ұжымдары арасында өткен жарыста да жеңіс тұғырына көтеріліп, өз ортасынан озып шыққан болатын. Аталған сайыста театрдың ұйымшыл ұжымы футболдан, волей­болдан және 100 метр қашықтыққа жүгіруден І орынға ие болып, жеңіске жеткен еді. 70 жылдық тағылымды тарихы бар өнегелі өнер ордасының болашақта байрақты бәсекелерде жеңіс жолын жалғай беруіне тілектеспіз!

ОҚИ ОТЫРЫҢЫЗ

Театрымыздың “Кейіпкер келбеті” бұрышында Тәуелсіздік күніне орай ұйымдастырылған “Желтоқсан-86” тәуелсіз күрескерлерімен кездесу кеші өтті. Кеш соңы театр репертуарындағы С.Асылбекұлының “Желтоқсан желі” драмасымен аяқталды. Барша қатысқан қонақтар мен келген көрермендерге алғыс білдіреміз! Тəуелсіздігіміз тұғырлы болсын!!! #Тəуелсіздіккүні #Кейіпкеркелбеті #Мүсіреповтеатры

admin

Қазақстанның еңбек сіңірген қайраткері, “Дарын” мемлекеттік сыйлығының лауреаты, театрымыздың актрисасы – Әсел Мәмбетованы Т.Жүргенов атындағы Қазақ ұлттық өнер академиясының профессоры атағын алуымен шын жүректен құттықтаймыз! Еңбегіңіздің жемісін көріңіз!!!

admin

Асылхан Төлепов: «Райымбекті ойнау өте қиын болды»

admin

ПІКІР ҚАЛДЫРУ