Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Балалар спектакльдерінің фестивалі ашылды

Бүгін Алматыда Ғ. Мүсірепов атындағы Қазақ мемлекеттік академиялық балалар мен жасөспірімдер театрында тұңғыш рет ұйымдастырылып отырған «Алтын сақа» атты балалар спектакльдері фестивалінің ашылуына орай, баспасөз мәслихаты өткізілді.

Онда театр басшылығы аталмыш іс-шараның қыр-сырына тоқталды.
«Бұл – ел театры тарихында балаларға арналған тұңғыш фестиваль. Бұл ішкі фестиваль болғандықтан, көрермен назарына біздің театрда қойылып жүрген спектакльдер көрсетіледі. Фестивальді ұйымдастырудағы басты мақсат – актерлардың шеберлігін шыңдау және ертегілерге негізделген театр қойылымдары арқылы жас көрермендерді ұлттық рухта патриоттық тәрбие беруге күш салу», – деді өз сөзінде Ғ.Мүсірепов атындағы Қазақ мемлекеттік академиялық балалар мен жасөспірімдер театрының директоры Сәбит Әбдіқалықов.
Сонымен қатар, ол фестиваль аясында әр түрлі аталымдар бойынша жүлделер тағайындалғандығын жеткізді.
«Жоспар бойынша фестивальді республикалық деңгейде ұйымдастыру көзделген еді. Бірақ, қаржы дағдарысына байланысты ол жүзеге аспады. Бірақ, біз «ақша жоқ» деп қарап отырмай, ішкі қаржымыздан жүлделер тағайындадық. Жалпы, жүлде қоры – 700 мың теңгені құрады. Әр аталымға 50-100 мың теңге көлемінде ақшалай сыйақылар қарастырылды. Болашақта бұдан да көлемді  болады деген үміттеміз», – деді С. Әбдіхалықов.
Бұл фестивальде Байділдә Қалтаев атындағы «Ең үздік ер адам бейнесі үшін», Аққағаз Мәмбетова атындағы «Ең үздік әйел бейнесі үшін», Қасым Жәкібаев атындағы «Ең үздік қосалқы рөлдегі ер адам бейнесі үшін», Әминә Өмірзақова атындағы «Ең үздік қосалқы рөлдегі әйел бейнесі үшін», «Ең үздік эпизодтық рөл», «Эпизодтық рөлдегі актерлық шеберлігі үшін», «Көрермендер көзайымы», «Ең үздік дебют» аталымдары қарастырылған. Марапаттау рәсімі 27 наурызда, яғни Халықаралық театр күні өткізіледі.

Ақпарат көзі: http://aikyn.kz/ru/news/show/22146-balalar_spektaklder_n_festival_ashyldy_

ОҚИ ОТЫРЫҢЫЗ

Сегіз қырлы, бір сырлы азамат, театрымыздың артисі – Бақыт Тушаевтың “Той жырын” 8-қараша күні сағат 20.05-те Астана телеарнасынан тамашалай аласыздар.

admin

Гүлбаһрам БАЙБОСЫНОВА, актриса:

admin

The Football Team, Football Game at The Stadium

admin

ПІКІР ҚАЛДЫРУ