Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Азамат Сатыбалды: Қазақстанда болмаған ерекше концерт-спектакль өткіземіз

Азамат Сатыбалды: Қазақстанда болмаған ерекше концерт-спектакль өткіземіз

Алматыдағы Ғабит Мүсірепов атындағы қазақ мемлекеттік академиялық балалар мен жасөспірімдер театрының директоры, танымал актер Азамат Сатыбалды өзі басшылық ететін театрда ерекше кеш өтетінін мәлімдеді деп хабарлайды KAZ.NUR.KZ.

Театр директоры бүгін, 26 наурыз күні «Қазмедиа орталығы» телерадиокешенінде өткен брифингке қатысқан.

Журналистер сауалына жауап берген ол Алматыдағы беделді өнер ордаларының бірі болып саналатын Мүсірепов театрының жаңалықтарымен бөлісті.

Айтуынша, аталмыш мәдениет ошағы Құрманғазы оркестрімен бірігіп кеш өткізбекші екен.

28,29 наурызға жоспарланған концерт-спектакль “Аманат” деп аталады.

“Елбасының «Ұлы даланың жеті қыры» мақаласына сәйкес, бабаларымыздың аманатын жастарға жеткізу мақсатында, «Аманат» атты концерт-спектакльді ұсынамыз. Оркестр мен театр актерларының бірігіп концерт-спектакль ойнауы Қазақстанда бұрын болмаған. Осылайша, көрермендерге актерлардың да ән айтып, би билеп, оркестрмен бірге поэзия-монолог оқитынын, сол бірлескен жобаны жоғары деңгейде жеткізуге болатынын көрсеткіміз келеді», – деді Азамат Сатыбалды.

Ақпарат көзі: https://kaz.nur.kz/1785526-azamat-satybaldy-kazakstanda-bolmagan-erekse-koncert-spektakl-tkizemiz.html

ОҚИ ОТЫРЫҢЫЗ

Театрымыздың актрисасы Ақмарал Дайрабаева А. Бисембиннің “Қыз жолы” телехикаясында мектеп директорының орынбасары -Айжан Ахметқызы рөлін сомдауда. #Хабартв #Театр #кино

admin

Копия «Жаңа күн». Дирижер Арман Жүдебай

admin

Қазақстан Жастар Одағы “Серпер” сыйлығының лауреаттары – Бақыт Тушаев пен Бейбіт Камарановты шын жүректен құттықтаймыз!!!

admin

ПІКІР ҚАЛДЫРУ