Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Алматыда «Бір түп алма ағашы» драмасы өтіп жатыр

АЛМАТЫ. 31 қаңтар. Алматыдағы Жастар театрында «Бір түп алма ағашы» драмасы аншлагпен өтіп жатыр. Ғабит Мүсірепов атындағы Қазақ мемлекеттік академиялық балалар мен жасөспірімдер театрының жаңа қойылымы көрермендер көптеп баратын спектакальдердің қатарына қосылды. Бұл туралы egemen.kz тілшісі хабарлады.

31-01-2016-teatr-5 31-01-2016-teatr-4 31-01-2016-teatr

Қазақстан Республикасының еңбек сіңірген артисі, талантты режиссер Мұрат Ахмановтың кезекті жұмысы театр қауымдастығының көңілінен шықты. Мұрат Ахманов бұған дейін бірнеше спектакльді осы театрдың төрінде сахналап, сәтті пьесалардың  режиссері атанған болатын.

Әлімбек Оразбековтің драматургиялық шығармасына қойылып жатқан спектакль театрдың жас актерлерін ғана емес, Қазақстан Республикасының еңбек сіңірген артисі Гүлжамал Қазақбаева, Қазақстанның халық артисі Роза Әшірбекова, Қазақстанның еңбек сіңірген қайраткері Сә Рақышев, Қазақстанның еңбек сіңірген қайраткері Райхан Қалиолдина сияқты сахна саңлақтарын көрермендерімен қайта қауыштырды.

Премьерасы жүріп жатқан сахналық қойылымда Қазақстан жастар одағы «Серпер» сыйлығының лауреаты Әсет Иманғалиев, Қуаныш Тұрдалин, «Дарын» Мемлекеттік сыйлығының лауреаты Рахман Омаров, Ербол Садырбеков сынды өнердің бел баласына айналып үлгерген жандардың ойыны көрермендер көңілінен шығуда.

Қол арбаға таңылып, мүгедектіктің тақсыретін тартқан Мақсат рөлін Дархан Сүлейменов, Әсет Үмбетбаев сияқты жұлдызы жанып келе жатқан жастар сәтті сомдауда.

Дерек, сурет: egemen.kz.

Ақпарат көзі: http://egemen.kz/2016/01/31/21184

ОҚИ ОТЫРЫҢЫЗ

Өмірдің өзінен алынған қойылым

admin

«Көңіл толқыны». Анимация. Тынышкүл Сұлтанбердиева, Нұрбақыт Намазбеков

admin

Мұрат Ахмановтың 40 жылдық шығармашылығына арналған апталық

admin

ПІКІР ҚАЛДЫРУ