Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
Мекеме жаңалықтары

«Aбзал жанға алғыс»

Биыл, 2020 жылы бүкіл әлемді шарлаған “Covid-19” пандемиясы біздің Елімізді де айналып өткен жоқ. Қаншама азаматтар осы індеттің беймезгіл құрбаны болғаны белгілі.

Індет тараған кезден бастап, өз бастарын қатерге тігіп, алғы шепте аурумен  күрескен медицина саласының қызметкерлерінің еңбегі оразан зор. Осы жанкештілікті ескере отырып, Ғабит Мүсірепов атындағы балалар мен жасөспірімдер театрының ұжымы 27 желтоқсан күні «абзал жанға алғыс» атты іс-шарасын ұйымдастырды.

Аталмыш шарада «Орталық клиникалық ауруханасы», «Қалалық жедел шұғыл көмек көрсету ауруханасы», « 16 қалалық ауруханасы», «Жедел жәрдем станциясы», «6 қалалық ауруханасы», «4 қалалық ауруханасы», «12 қалалық ауруханасы»  және т.б. мекемелердің қызметкерлеріне  “АДАМ-ЗАТ” (авт. М.Ладо, ауд. Қ.Төлеуішов, реж. Д.Базарқұлов) спектаклі ашық есік жағдайында арнайы сахналанды.

Спектакль аяқталғаннан кейін театр фоесінде жас актерлеріміз  қатарынан тізіле тұрып қол соғып құрмет көрсетіп, театр ұжымының атынан сыйлыққа алма тарту етті. Актерлеріміз ақ халатты абзал жандарға деген алғыс пен ризашылық сезімді киелі сахнада, осылай білдіріп, бір сәтке рухани көңіл-күй сыйлады. Атаулы іс-шара өз жалғасын табады!

ОҚИ ОТЫРЫҢЫЗ

АБАЙ ДЕГЕН АЛЫНБАҒАН АСУ ҒОЙ…

admin

Театрымыздың актрисасы ҚР еңбек сіңірген артисі Гүлжамал Қазақбаеваның орындауында М.Мақатаевтың “Сен менің” поэзиясы.

admin

МҰХТАР МЕН МӘРИЯШ

admin

ПІКІР ҚАЛДЫРУ